Foruen plazan kokaturik eta XVII. mendean eraikita, Vianako Udaletxeko atariak errenazentista eta barrokoak dira, eta eraikina historiaz dago ederki jantzia. Bada, horixe izanen da, hain zuzen, Flamenco On Firek Nafarroako herrietan izanen duen agertokietako bat. Sandra Carrascoren kantu flamenko liriko eta sakona iritsiko da egitura ikusgarriko balkoi horretaraino, Joni Jiménezen gitarrak lagundurik.